«Мемлекетіміздің басты байлығы – ұрпақ саулығы»,- деп Елбасымыз айтқандай, халықтың денсаулығы басты қазынамыз. Қазіргі таңда денсаулық сақтау саласын жақсарту мақсатында көптеген жұмыстар қолға алынып, ауыз толтырып айтарлықтай нәтижелерге қол жеткізіп келеміз. Елімізде болып жатқан жағдайға байланысты карантин шаралары сақталып, қатысушы студенттер мен көрермендер бет перде киді.

Н.Құлжанова атындағы Торғай гуманитарлық колледж жатақханасында «Денсаулық фестивалі – 2020» іс-шарасы өтті. Осымен сан мәрте ұйымдастырылған фестиваль «Белсенді өмір-жүз жастық ғұмыр!» ұранымен тәрбиеленуші студенттердің қатысуымен таңғы жаттығу жасаудан басталды. Жалғасы спорттық флешмоб пен ұран сөздермен ұласты. Теннис, тоғызқұмалақ, шахмат, шашка т.б. ойын түрлері өткізілді.

Фестивальдің мақсаты: Салауатты өмір салтын ұстанып, денсаулығына жауапкершілікпен қарап, белсенді өмір салтын ұстануға шақыру. Іс шара соңында ат салысқан студенттер мақтау қағаздарымен марапатталып қортынды жасалды.