V «Хабардар болу онкүндігі» іс-шаралар шеңберінде инклюзивті мәдениетті және мүгедектігі бар адамдарға толерантты көзқарасты қалыптастыру мақсатында «Жастар азаматтық бастамалары» ҚБ президенті Ахметжанов Аманкелді Серікұлымен диалог алаңы өткізілді. Шараны ұйымдастырушы, колледж оқытушысы Ақылбекова Луиза Бекетқызы инклюзивті білім беру пәні өткізілетін барлық топтардың қатысуымен өткізді. Диалог алаңында шара спикері мен студенттер инклюзивті мәдениетті қалыптастыру бойынша өз ойларын ортаға салып, сұрақ-жауап түрінде тақырыпты талқылады. Шара спикерімен түрлі жағдаяттар талданып, тренингтік ойындар ұйымдастырылды. Қазіргі қоғамның басты мәселелерінің бірі - мүгедектігі бар адамдарға еркін ортаны қалыптастыру үшін барлық кедергілерді жою және адами кедергілердің алдын алу бойынша қатысушылар ақпарат пен бағдар алды.