Мектеп бітіруші түлектерді оқуға шақыру мақсатында 2024 жылдың 25 сәуірі күні Н.Құлжанова атындағы Торғай гуманитарлық колледжі үгіт - насихат тобы Аманкелді ауданының Ы.Алтынсарин, Аманкелді, Б. Қолдасбаев, Ә.Боранбаев атындағы жалпы білім беретін мектептердің 9 - 11 сынып оқушыларына оқуға шақыру бойынша үгіт насихат шаралары ұйымдастырылды.

Үгіт - насихат жұмысы шеңберінде колледждің «Нәзипа Ізбасарлары» клубының белсенділері өз кәсібінің басымдылықтарын айтып, мамандық таңдаудағы қиындықтар туралы қызықты оқиғаларымен бөлісті. Үгіт - насихат жұмысына қатысушы түлектерге колледж мамандықтары жарнамаланған үлестірме қағаздары таратылып, колледж мүмкіндіктері мен материалдық жағдайы қамтылған бейне роликтер көрсетілді.