Халықаралық нашақорлыққа қарсы күрес күніне орайластырылған айлық жоспары шеңберінде 30 мамыр күні колледжде ата-аналар жиналысы өткізілді. Жиналысқа ДМ-12 тобының ата-аналары шақырылды. Жиналысты топ жетекшісі Нугманов Сагдат Маликович өткізді. Ата-аналар жиналысының күн тәртібінде «Проблемаға жол бермеу және оны болдырмау», «Балалар тәрбиесі үшін ата-аналардың жауапкершілігі туралы» тақырыптарында бейне роликтер көрсетіліп талқыланды. Жиналыс барысында ата-аналардың пікірі тыңдалып жоғарыдағы мәселелерді шешу жолдары қарастырылды. Ата аналар жиналысына колледж әлеуметтік педагогы Әмір Махаббат Қуандыққызы қатысып, «Тәуелділік дегеніміз не? Ол неден пайда болады?» тақырыбында ақпарат пен бейне роликтер ұсынды. Ата аналарға кеңестер берілді. Жиналыс барысында студенттердің білім деңгейі мен сабақ үлгерімі және тәртібі туралы топ жетекшісі мәлімдеме жасады. Жиынның соңында ата-аналарды ұйымшылдыққа шақыратын ойындар мен тернигтік жаттығулар өткізілді.